Ang BAKLAYNERS
Baklay = maglakaw og layo. BAKLAYNERS = ang Team Bulkit nga naglakaw paingon sa pinaka-suok nga mga balay sa kabukiran sa Bukidnon, dala og bugas, cash, pagkaon, ug gamay nga katawa. Dili ni sketch. Tinuod ni. Ug mao ni ang pinaka-gipasigarbo namo nga series.
Ang ISTORYA
Gikan sa lockdown paingon sa pikas buntod.
Lockdown
Walay shows, walay shoot, walay pasahero. Unya naghunahuna si Bulkit: kung lisod para namo, unsa na lang kaha sa mga naa sa bukid? Mao nga nagsugod ang "Let us Help the Poorest of the Poor" - ang unang BAKLAYNERS video, Abril 8, 2020.
"I challenge the poor to help the poorest"
Mao ni ang linya. Dili mi dato. Pero naa'y mas naglisod pa. Kada episode, naa'y usa ka pamilya sa pinaka-suok nga lugar - usahay oras nga lakaw, tabok og suba, saka og bukid - nga makadawat og bugas, cash, ug bisita.
Gikan sa mga Bulkiters
Ang pondo gikan sa mga viewers, OFW, ug sponsors nga dili gusto magpaila. Ang uban mo-donate og kwarta. Ang uban, "no skip ads" - tan-awon ang ads hangtod mahuman. Tanan, tabang.
Bisan LAYO, bisan KAPOY
"Bisan layo, bisan kapoy, basta makaya pa." Mao ni ang motto. Sa 19th day, sa Brgy. Kalugmanan, gipalit ni Bulkit ang tanan nga bulak ni Nanay ug gibayran og bugas. Ang pinaka-gitan-aw nga BAKLAYNERS episode.
Mga lugar nga gibaklay na: Sagpang, Kalugmanan, Kalaniyogan, Mambatangan, Malitbog, Alawon, Mantaboo, San Miguel - tanan sa Bukidnon, kasagaran sa Manolo Fortich. "Imong silingan toa sa pikas buntod." Literal.
Ang mga EPISODES
Ang pinaka-gitan-aw ug ang pinaka-bag-o. Naa pa'y daghan sa channel - sobra 25 ka episode sukad 2020.
Unsaon PAG-TABANG
Dili kinahanglan nga dato ka. Kinahanglan lang nga naa ka.
Mo-sponsor og Episode
Pwede ka mo-sponsor og usa ka pamilya o usa ka episode. Message lang mi sa Messenger - mo-sulti mi kung asa paingon ang imong tabang, ug makita nimo sa video. Pwede pud "anonymous" - daghan among sponsors nga dili gusto magpaila.
No Skip Ads
Libre pero tinuod: tan-awa ang episodes sa YouTube ug ayaw i-skip ang ads. Ang kita sa ads, mo-adto sa sunod nga baklay. Mao ni ang "No Skip Ads" nga tradisyon sa mga Bulkiters sa comment section.
I-share
I-share ang episode, i-tag ang imong amigo nga naa'y kwarta. Gamita ang #BAKLAYNERS, #Poorestofthepoor, ug #paraDaghanPamiMatabangan. Mas daghang makakita, mas daghang matabangan.
Ang BAKLAYNERS dili rehistrado nga foundation - usa ka team sa mga comedian nga naglakaw. Ang tanan nga tabang direkta nga ihatag sa pamilya ug makita sa video.